Alebbirenna attuntu paddissengenge
إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ، وَنَعُوذُ بِاللهِ مِنْ شُرُوْرِ أَنْفُسِنَا، وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ، وَمَنْ يُضْلِلْ فَلاَ هَادِيَ لَهُ ،َأَشْهَدُ أَنْ لاَ إِلَهَ إِلاَّ اللهُ وَحْدَهُ لاَشَرِيْكَ لَهُ , وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ اَجْمَعِيْنَ. أَمَّا بَعْدُ….
Alhamdulillah sukkuru'ki mappoji tenrigangka lao risese arajanna puang Allahu ta'ala,nasaba' engkata'si nawereng siagae egana apanginringenna lao ri pada idi maneng pada-padanna teppe' e Iyya simata mattugengkeng rilalengna watakkaleta,umuru' malampe, tubuh majjappa ,makkutoparo kesempatan natopada Engkasi pada hadere rilaleng onroang mabbarakkae de' laing Gaga akkata sengadinna untu' lolongengi Rio rennunna puang Allahu ta'ala makkotoparo barakka'na, nenniya asalamakengnge riduae Wanua yanaritu linno nenniya ahera.
Makkotoparo paimeng, salawa' nenniya pappadalama masse' nenniya sukkue lao ri ikkeng pangulutta Nabiyullah Muhammad Saw. Allahumma Shalli 'Ala sayyidinaa Muhammad wa 'alaa ali sayyidinaa Muhammad. Nabi Iyya engkae simata jellokekki laleng malempu,laleng patuju,laleng madeceng. Namakessing atuo-tuongetta Rilino natosalama' ri Wanua ahera' matti insya Allah.Amiin ya rabbal 'Alamiin.
Sininna tomatoa malebbikkeng anrengnge silessureng malebbikkeng engkae pada riyammasei ri puang Allahu ta'ala
Rilalenna iyye kesempatan mabbarakka' e upuminasai rampengekki seddi iyyaregga nadua warekkada paparingerrang rutujunna Alebbirenna mattuntu paddisengenge.
Sininna tomatoa malebbikkeng anrengnge silessureng malebbikkeng engkae pada riyammasei ri puang Allahu ta'ala
Makkotoro paimeng iyyaro itella e paddissengeng mappunnaiwi Sifa iyyanaritu maccayya,makkebettuangi makkedae tau engkae simata matanrewe paddissengenna nulle pasilaingengi decengnge nenniya jaa e nasaba matanrang i kega anu harang kega anu hallala.
Iyyaro atuntukeng paddisengenge waji'i hukumna lao risininna rupa tau e oroane nenniya makkunrai terutamanai umma sellenge. Pada Toha narampewe Nabitta Muhammad Saw. Makkedae :
طَلَبُ الْعِلْمِ فَرِيضَةٌ عَلَى كُلِّ مُسْلِمٍ
Artinya:
" Naiyya attuntu paddissengenge waji'i Ri oroane nenniya makkunraie" (HR. Ibnu Majah)
Sininna tomatoa malebbikkeng anrengnge silessureng malebbikkeng engkae pada riyammasei ri puang Allahu ta'ala
Kira-kira magi naparellu umma'na Nabitta Muhammad Saw mappunnaiwi itellae paddissengeng?
1. Parenta pole ri puang Allahu Ta'ala
Makkadai puang Allahu ta'ala rilaleng akorang malebbie ri QS.Al-Mujadilah ayat 11
يَرْفَعِ ٱللَّهُ ٱلَّذِينَ ءَامَنُوا۟ مِنكُمْ وَٱلَّذِينَ أُوتُوا۟ ٱلْعِلْمَ دَرَجَٰتٍ ۚ
Bettuanna :
Naiyyaro puang Allahu ta'ala napatanrei tau mappunnai teppe' ripallawangengmutu mennang nasaba paddisengeng siagae egana deraja' (QS.Al-Mujadilah ayat :11 )
Jaji tau engkae paddissengenna nasibawai teppe' simata natiwitu Alena mancaji ata lao ri puang Allahu ta'ala. Gangkanna malemma'i najama - jamanna nenniya malomoi makkasiwiyang lao ri puang Allahu ta'ala.
Pede' matanreitu paddissengenna tawwe pede nappunaitu Sifa mappakatuna Alewe, bettuanna tuli naita mariawai Alena pappada - padanitu asewe pede matase'i buana pede maroko'i (Mappakiade'i)
2. Paddisengenge mancaji awatangengi
* Awatangeng papole barakka'na puang Allahu ta'ala (Atturue)
* Awatangeng untu' fahangngi kega madeceng nenniya kegana masala-sala
*Awatangeng moloi siagae egana persoalan - persoalan Rilino gangkanna naruntu i decengna Lino lollong ahera.
Nasaba marissengeng makkedai pede macoaituh linoe pede bahaya i gangguang e,pergaulangnge narekko denamakanja pahatta ritujjunna agama asellengeng e, wedding Jaji nalariakki solo abinasangeng,teddengngi barakka'na Lino lollong ahera nasaba masolangi ateka'na, mappadduai, iyyaregga pahangngi ritujunna seddie persoalang gangkanna mubba i Pahang salae riwatakkalena. Narimakkuannaro tapakanjaki laloi pahatta ritujjunna agama Asellengenge.
Sininna tomatoa malebbikkeng anrengnge silessureng malebbikkeng engkae pada riyammasei ri puang Allahu ta'ala
Komagai wettunna iyero seddie rupa tau mappamula mattuntu paddisengeng?
- Makkedai Nabitta Muhammad Saw.
اِطْلُبُوا الْعِلْمَ مِنَ الْمَهْدِ إِلَى اللَّحْدِ
Bettuanna :
Attuntu paddisengekki mappamula ijaniangmutu mennang Lettu tamamu ri calori' kibburue.
Menurut pattarona Sahaba'na Nabitta Muhammad Saw iyyanaritu Umar bin khattab Makkedai naiyyaro tau mattuntu paddisengenge tabbage tellui (3) iyyanaritu :
1. Narekko pammulangi nappunnaiwitu Sifa' sombong nasaba' amaccangenna
2.Tau purae mattuntu paddisengeng nasibawai teppe' mappunnai Sifa' Mappakariawa Ale (Tawaddu)
3.Narekko Mega ladde'ni paddissengenna tawwe,maegana naisseng,momponitu rilaleng atinna makeda depale Gaga mengkaiwi onro maladdena naperhatikan itella e paddissengeng.
Nabi Sulaiman AS. Napitte i Paddisengenge riwettu ipappitena ripuang Allahu ta'ala makkedae aga mupile Warangmparang ga, Pangka iyyaregga jabatan ga. Makkunrai ga.Naikiya napitte i paddisengenge.Gangkanna iwerengngi asogireng warang-mparang tallangga-langga Iyya de'e Gaga pada-padanna makokkoe,iwereng toi kekuasaan ripuang Allahu ta'ala nulle parentai Anginge, nenniya iblis e, bahkan nafahangi bahasana olo-koloe. Iyenaro nassabari makkadai pangulutta imam Asy-Syafi'i:
-Narekko meloko lolongeng i Lino, nasibawaiputu Paddisengeng.
-Narekko meloko lolongeng ahera nasibawaipatu paddissengeng
-Narekko mloko lolongeng Lino nenniya ahera majeppunna parellui nasibawai paddisengeng Iyya wedding e makkeguna.
Sininna tomatoa malebbikkeng anrengnge silessureng malebbikkeng engkae pada riyammasei ri puang Allahu ta'ala
Na agatosi tanra-tanranna paddisengeng makkegunae risesena idi rupa tau e?
1.Pede tattambai teppetta,tauta nenniya pappojitta ripuang Allahu ta'ala gangkanna Malomo maneng ipapole pakkasiwiyange.
2. Dena namaladde napusingi urusan linoe nasaba napahangngi makeda iyero Lino onroang cinampe Memeng mi ahera mannennungeng.
3. Najagai Alena pole ri gau-gau masala - salae iyye wedding e pattama'i ri neraka paccallanna puang Allahu ta'ala.
4.Rimunri purana napahang iyyaro seddie paddissengeng gangkanna nakkamalakenni nenniya napallebbangi ripadanna rupa tau
Sininna tomatoa malebbikkeng anrengnge silessureng malebbikkeng engkae pada riyammasei ri puang Allahu ta'ala
Agatosi hubunganna ade'e sibawa paddissengenge
Narekko matanre appakiadekenna nenniya pappakalebbina ripadanna rupa tau berarti matanre Tonitu paddissengenna. Naikiya tau matanrei paddissengenna belum tentu matanre pappakalebbina iyyaregga pappakiade'na Lao ripadanna rupa tau e.
Narimakkuannanaro pada Loni mai natopada sappai paddisengeng makkegunae naengka wedding ipake massulo ri atuo-tuoengetta natomancaji ata kaminang napojinna puang Allahu ta'ala rilaleng Lino nenniya ahera.
Sininna tomatoa malebbikkeng anrengnge silessureng malebbikkeng engkae pada riyammasei ri puang Allahu ta'ala
Sikomiro urafi rampengekki ada-ada paparingerrangeng rutujunna Alebbirenna attuntukeng paddisengenge mamuare pada mabbarakka' i lao ri idi maneng terutama lao ri tau mabbicarae.
Pisau di dapur haruslah diasah
Supaya tajam dan jadi kuat
Belajar harus tanpa kenal lelah
Agar dapat ilmu yang bermanfaat
Wabillahi Taufiq Wassa'adah wassalaikum warahmatullahi wabarakaatuhuu
Tidak ada komentar:
Posting Komentar