Naskah Khutbah Idul Adha (Burhanuddin,S.Pd)

Khutbah I

  

 اللهُ أَكْبَرُ، اللهُ أَكْبَرُ، اللهُ أَكْبَرُ، اللهُ أَكْبَرُ، اللهُ أَكْبَرُ، اللهُ أَكْبَرُ، اللهُ أَكْبَرُ، اللهُ أَكْبَرُ، اللهُ أَكْبَرُ، لَا إِلَهَ إِلَّا اللَّهُ وَاللَّهُ أَكْبَرُ، اللهُ أَكْبَرُ وَلِلَّهِ الْحَمْدُ. الْحَمْدُ للهِ الَّذِيْ يَـخْلُقُ مَا يَشَاءُ وَيَـخْتَارُ، أَحْمَدُهُ سُبْحَانَهُ الْوَاحِدُ الْعَزِيْزُ الْغَفَّارُ، وَأَشْهَدُ أَنْ لَّا إلهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ إِمَامُ الْمُتَّقِيْنَ وَقُدْوَةُ الْأَبْرَارِ، اللهم صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى آلِهِ وَصَحْبِهِ، صَلَاةً دَائِمَةً مَّا تَعَاقَبَ اللَّيْلُ وَالنَّهَارُ. أَمَّا بَعْدُ، فَيَا إِخْوَةَ الْإِسْلَامِ أُوْصِيْكُمْ وَنَفْسِيْ بِتَقْوَى اللهِ عَزَّ وَجَلَّ الْقَائِلِ فِي مُحْكَمِ كِتَابِهِ أَعُوذُ بِاللَّهِ مِنَ الشَّيْطَانِ الرَّجِيمِ

بِسْمِ اللَّهِ الرَّحْمَنِ الرَّحِيمِ إِنَّا أَعْطَيْنَاكَ الْكَوْثَرَ فَصَلِّ لِرَبِّكَ وَانْحَرْ إِنَّ شَانِئَكَ هُوَ اْلأَبْتَرُ 

Allahu Akbar  3X walillahilhamdu

Sininna Umma' selleng malebbi pada engkae riyammasei ri puang Allahu ta'ala

Tenriyallufai defa nasiaga ettana labe'na uleng ramalang,uleng tampu' engngi rokong maeppana agama asellengengnge, sibawa furatoni riroasi rilalenna nasaba allepereng Fittara. Sekira-kira asukkurukeng lao risese arajanna pueng

Allahu taala. Labe'ni uleng ramalang takkapposi uleng sulhajji, iyya tampu'engngi rokong malimana agama asellengengnge. lya engkae riroasi ri iyye essoe nasaba allepereng karoba. Narigau engkata sifakario sifakarennu. Sikira-kira tanrang asukkurukeng lao risesena arajanna puang Allahu Taala.

Natenri sedding assisullenna essoe nawennie mancaji sabbi nenniya fappanessa enrengnge papparingerrang ridi tau takkalufae, narimakkuannaro farellui fada taengngerang makkedae :

-Ri wettu tuwota sewwae wettu matu nafoleiki riasengnge amatengeng.

-Riwettu madisitta sewwae wettu matti napoleiki risengnge lasa.

-Riwettu malolota sewwae wttu matti nafoleiki riyasenge atoangeng.

-Riwettu mapparentata sewwa wettu matti idisi rifarenta.

-Ri wettu masagenata sewwae wettu nafoleiki akasiasingeng iyyaregga akacipireng

-Engka wettu natofada mecawa - cawa engkato wettu natofada terri-teri

Allahu Akbar 3X walillahilhamdu

iye essoe saisai esso malebbi esso naonroiyye tauwwe siajeppu-jeppui rifallawangenna fadanna rufatau, naonroi tawwe siaddampe-dampengeng iya furae pada sisala-sala. Nenniya mancaji fappagilinna tau teae, papparewe'na tau laoe, pappamekkona tau terrie, pappanrena tau malufue, pappa male'na tau nabettue uddani, pappaggurunna tau madongo'e, pappakainge'na tau takkalufae, fattedduna tau matinroe,pappalecena tau magellie, pabburana tau malasae.

Iyyetona essoe saisatoi esso maraja nasaba yetona essoe kajajiangngi fegae maddatu sebbu umma' selleng orowane makkunrai iyya engkae totona menre ritana mafaccinge, rigau engkana mallailaingeng afolengenna, bahasana, suku bangsana,malailaingettoi tappana, fadatoha narampewe puang Allah Taala.

وَاَذِّنْ فِى النَّاسِ بِالْحَجِّ يَأْتُوْكَ رِجَالًا وَّعَلٰى كُلِّ ضَامِرٍ يَّأْتِيْنَ مِنْ كُلِّ فَجٍّ عَمِيْقٍۙ

Bettuanna : 

E.. Ibrahim angngollirengngi alhajjingnge lao riyamenna tauwwe, aga nafoleinotu rigau engkana jokka makkaje, nenniya mattonangeng, takkappo fole riungke-tungke sumpanna laleng mabelae,

Allahu Akbar  3X walillahilhamdu

Yetona essoe, kajajiattoi fegae maddatu sebbu yakkepaha maddatu juta umma' selleng orowane nenniya makkunrai anana, tomatoa risiagae egana kampong yarega negara, fada lao rimasiji'e yarega ritana lapangnge fada pasilennerengngi sempajangalleppereng karobae, fada tudang takkajenne mappasewwa ripuang Allahu Taala, rigau engkana malemma watakkalena gangka samannaha uwae matanna maelo caddunu-dunu mingerangngi dosata enrengnge mingerangngi tomatoatta iyya engkae lelena ripammasena puang Allahu Taala, koe tofa ana'ta kaminang ripojie, sillesuretta, keluargata, iyya

engkae fada maddioloiki kuritu mennanro. Dengan sama - sama mengumandangkan kalimat Takbir,Tahmid dan Tahlil kepada Allah SWT.

lyya mancajie tanra assidde-siddingetta umma' sellengnge lahir dan batin sejuta tubuh satu jiwa, degaga assilaingenna rajae sibawa raya'e, antara fonggawae sibawa ana'buae, tausogie tudang sideppa sibawa tau kasi-asie, tau kefangkae sideppe tau de' egaga pangka'na.

Degaga assilaingenna ritu, roko' pappada roko, sujud-ppada sujud, rigau engkana maccueri seddi komando yanaritu komandona imangnge, jaji denasitinaja idi umma'sellengnge situna-tunai, denasifato engkaki matanre akka nasaba abbatiretta, narekko engkaki selleng tongeng-tongeng mattentu mabelaki pole risifa mappandang entengnge rifadata rufatau, nasaba appongetta siddimi bawang yanaritu fole manekki rinabi adam, naiyya nabi adam AS Iyya engkae rifancaji fole ritanae. 

Jaji seddimi tomi puang risompa tongeng-tongeng yanaritu puang Allahu Taala, Nabi Muhammad SAW riaccueri salompena, bicaranna, sareatna, Majeppu seddimi tomi agama natarima puang Allah Taala yanaritu agama asellengengnge.

Nalaonimai nariakkatenni temmalere agama asellengetta narifakkanre paku jembatang naseppifi namalara', natosipuppureng fakkajusero rilino lettu riahera matti insya Allah. Fadatoha rimakkedanai puang Allahu Taala, majeppunna agama engkae risesena iyyanaritu Al-Islam.

إِنَّ ٱلدِّينَ عِندَ ٱللَّهِ ٱلْإِسْلَٰمُ ۗ

Bettuanna :

" Majeppunna agama iyye engkae  natarima malempu puang Allahu Ta'ala iyyanaritu asellengengnge "

Sininna Umma' selleng malebbi pada engkae riyammasei ri puang Allahu ta'ala,

makkotofiro iyye essoe rifannessani asseddi-seddingetta umma sellengnge nasaba asiddi-siddingenge papolei awatangeng, gangkana makkedai tau riolota : mali sifarappe' - rappe'pi nafaja, rebba sipatokkong - tokkoppi nafaja, malilu sifakainge - mainge'pi nafaja.

Agane narekko nasitujuanni asera ompona Dzulhajji fada engkag manenni mennanro fada wokkofo' ripadang arafah. fada rifakei fakeang ihranna, temmabbaju temmassongko, samarata mappaake mafute maneng tenri jai samannaiha mennanro silalonarifatokkong fole rikubburu'na. nari faddeppungeng rifadang mahsyar. Fada cannunnu kasi

nataro tuna, denagaga mawatang, makuasa, paulle, fasau, sangadinnani Puang Allahu Ta'ala. Narigau engkana pannessai akatangeng tongeng - tongenna ripuang Allahu Taala.Nenniya teri-teri tobakengngi dosa-dosana, narigau engakan fada marillau doang, nabaca

Makkadae :

لَبَّيْكَ اللَّهُمَّ لَبَّيْكَ لَبَّيْكَ لاَ شَرِيكَ لَكَ لَبَّيْكَ إِنَّ الْحَمْدَ وَالنِّعْمَةَ لَكَ وَالْمُلْكَ لاَ شَرِيكَ لَكَ

Bettuanna : 

E ....puang, Engkana' Pasilennerengngi Pangollita, Degaga Assipanguruseng tappunnai puang, majeppu pappojie simata nenniya pappenyameng sukkae idimi puang mappunnangiwi, enrengnge idi tomi

mappunangiwi akuasangengnge, Degaga Assipanguruseng tappunnai puang

Allahu Akbar  3X walillahilhamdu

Aga nerekko labuni essoe pada tarakkani mennanrompelai padang arafah, nalao mabbenni rimusdalifah, nainappa fada matterru lao ri mina. Esso maseppulona Dzulhajji fada nafasilenneremmanenni aggerena iyyaregga akkarobanna, kuetofa rilainnae faimeng yanaro Passabarenna nariaseng iyye alepperengnge.

Alleppereng akkarobang iyyaregga aggereseng.

Saisatopi pakkaśiwiyang iyya masero lebie rifafole rilalenna iyye essoe rimonri furana ribaca katobbae nenniya tellu ngesso rimonrinna yanaritu akkarobangnge iyya maladde'e napapole sininna umma' sellengnge. lyya masagenae, nasaba iyya akkarobangnge maladde napatu-patukeng Nabitta rimakkedanai. 

 مَنْ كَانَ لَهُ سَعَةٌ وَلَمْ يُضَحِّ, فَلَا يَقْرَبَنَّ مُصَلَّانَا 

Bettuanna : 

Nigi-nigi lolongeng asagenangeng nawedding makkaroba, nade' nakkaroba, aja' lalo nahadereki allepperetta, makkeda toi Nabitta Muhammad SAW  (HR Ahmad (2/321), Ibnu Majah 3123, Al-Hakim (4/349), Ad-Daruquthni, Al-Baihaqi)

Nenniya tau makkarobae, riwale`I ripuang Allahu ta'ala tungke-tungke tassiddie bulunna seddito deceng. Narimakkuannaro aja lalo tassekkekengngi Dalle' iyya engkae nawerekki puang Allahu ta'ala.Jaji Nasserriki paressa madecengi Aleta bara ripasilennerengngi akkarobangnge lao ri idi tau faullewe.

Mamuareggi iyye essoe natarima malempui puang Allahu Ta'ala pakkasiswiyang hajjinna pammekata , nalesu mattana ogi paningkai pakkasiwiyangna na aja' napaningka'mi bawang gayana,Natambaimi puji riyalena,nenniya bangka'na lao ripadanna rupataue. Nasaba' pakkasiwiyang hajjie de'laing sengadinna mancaji pappasukku pole ri rokonna asellengengnge.Naikiya parellui tapahang madeceng makkeda 

Saisanna tandra - tanrang hajji  maberur e (Hajji iyya itarimae) iyyanaritu :

1. Pede mencengngi teppe'na nenniya tauna makkotoparo pakkasiwiyangna laori puang Allahu Ta'ala

2. Pede' Tattambai lebbina nenniya pappakalebbina lao ripadanna rupa tau

3. Pede' Maladde'ni masaro napatuju jama-jamang ahera'na naiyya linona

Sininna Umma' selleng malebbi pada engkae riyammasei ri puang Allahu ta'ala,

Fada laoni mai nato mala agguruang maraja risesena akkarobangnge yanaritu : fangulutta ibrahim, baik alabongenna nenniya atturuna nenniya fakkasiwiyanna lao ripuang Allahu taala. Iyyemaro riolo engkanengka Nabi Ibrahim AS Makkaroba 1000 ( sisebbu ) bembe, 300 (telluratu) sapi, nenniya 100 ( seratu ) unta, degaga nakkattai sangadinna puang Allahu ta'ala simata. Aga nakkedana Nabi ibrahim AS yamanennaro purae uwakkarobang temmaka mofa ringenna riseseku nainappa mattanro Nabi ibrahim makkedae :

والله لو كان لي أولاد لذبحتهم 

في سبيل الله

Bettuanna : 

Naengkai puang Allah Ta'ala, bennengngi engka ana'ku kaminang ufoji detekkuwakkarobanna rilaleng nafurioe puang Allah Ta'ala. Naiyya wettuero defa gaga ana'na Nabi Bbrahim AS. Naiyya riwettu laonana Nabi Ibrahim ritana makdis millau doanni ri puang Allahu Taala makkadae :

رَبِّ هَبْ لِى مِنَ ٱلصَّٰلِحِينَ

Bettuanna 

"E...puang pakkedallekika wija-wija masaleh"

Aga narifakkedalleki tongenna ana' ripuang Allahu ta'ala riasenge Ismail. Masaro kessingmani tappana namaraja atturu ritofajajianna, naiyya riwettunnana narattenana 7 tahun umuru'na Ismail, rifannippini

Nabi Ibrahim AS, rifasengerenni tanrona rifarentayanni untu' gerei ana'na kaminang nafojie. Maganaro rajanna paccoba nalolongengnge Nabi Ibrahim AS rigau engkana rifarentaiyang ripuang Allahu Taala, gerei ana'na, accule-culetteppajinna tubunna, buana atinna, cayyana matanna, aruddani temmappettuna, angolong temmabbokona tubunna iyanaritu ana' sibatu-batunna riasengnge Ismail. 

Naiyya riwettu maelona Nabi Ibrahim paddupai parentana puanna nakkeda Nabi Ibrahim riana'na :

قَالَ يٰبُنَىَّ اِنِّىۡۤ اَرٰى فِى الۡمَنَامِ اَنِّىۡۤ اَذۡبَحُكَ فَانْظُرۡ مَاذَا تَرٰى​ؕ​

E...anakku majeppu uwitai rilaleng tinroku majeppu ana' ugereko / wakkarobakko. Napekkogi musedding tangngamu E... ana ? Aga napebalina ismail mekkedae

 قَالَ يٰۤاَبَتِ افۡعَلۡ مَا تُؤۡمَرُ سَتَجِدُنِىۡۤ اِنۡ شَآءَ اللّٰهُ مِنَ الصّٰبِرِيۡنَ

E... ambokku tapaddupai laloi anu naparentakki puang Allahu taala insya Allah talolongekka saisa ana sabbara. 

Degaga tauna Ismail sikalice melo rigere riambo'na nasaba tattaneng memenni rilaleng atinna makkedae : Namun Tanggal Kepalaku badanku terlentang ditanah aku siap sedia atas perintah Allah, biar hancur luluh badan jasmaniku asal rohani jangan rusak.Makkadai Ogie mate Watang mate Ale,temmate rampe-rampe,matemua mafatae matefa dua telluassola-solae.

Naiyya rewettu maelo'na Nabi Ibrahim gerei ana'na lebbi rioloi nafarentaiyyang bainena riyasengnge Sitti Hajar pappakeiwi ana'na,Naminya - minyakini gemme'na sibawa najakkai - jakkai lempuni ana'na. Natallesanna ksi sitti hajar simata baui ana'na  kaminang nafojie,nakarenna assena bebbuana mitai ana'na aga tona rigaukengngi nasaba parentana puang Allahu Taala. Aga nagilittoni kasi Ismail suju' mappakaraja lao ri cappa ajena indo'na millau addampeng tanrang paccapurengna sita rupa indona. aga narisapu-sapuna ulunna ismail ri indo`na. 

Allahu Akbar  3X walillahilhamdu

Naiyya riwettu maelonana Nabi Ibrahim gerei ana'na kasi aga nagilinna Ismail massaile tuju matai rupa melebbi'na ambo'na nasibawai esse bebbua, napasennna dua tellu pappaseng, sebagai pappaseng paccappureng riambo'na rimakkedanai :

1. E.....ambo' narekko furana matu tagere kasi ambo' tasapui cedde dara ellonna wajukku ammbo' nainappa tafalisungeng indokku ribolae , nalai tanrang kenang - kenangan makkedae detongennaro usita rufa anakku kasi rilino nasaba purai riakkarobang ri ambo'na.

2. E... ambo' aja' lalo kasi tatiwirengngi anana' indokku fada - fadae rajakku, saba'ni nabaru fulana kasi parengngerranna indokku lao riyya, nancajina lasa doko rialena mennanro.

3. E... ambo' tafalettukekka kasi selleng uddani temmappettukku ri indokku nahalalakengngi fattungka - tungkana riya riwettu baiccukku, temmakkaharo maelokkumpalei roja siwenninna indokku, natennaelorengngi puang Allah ta'ala.

4. E...ambo' tataroi kasi masse passiona limakku bara aja ufiri - piri',makkawa - kawa ammani kasi limakku nakennai kasi limatta namafeddi tasedding ambo' nancajina paccallang riya ri ahera nasaba anu tekkeattungka.

5. E..ambo' tataroi kasi matareng ladde pisota, tasangi'I sikira - kira riwerrummi bulo-buloe nataddette, tataroroi malessillalo riellokku kasi-ambo,bara narette'I bulo- bulo tigerrokku masítta, namalomo amatengekku, na aja kasi urasai addette'na fisoe riellokku.

6. E .... Ambo' tafagilingngi rupakku noritanae, tapassailei rufatta lao rimonri sarekkuammengngi aja' tatujumatarufakku ambo kasi saba'ni namesse babuwata mitaka nade' najaji tagereka ambo'.

7. E.... ambo' tafelettukettoi indokku , tasuroi pamegai pappojinna ripuang Allahu ta'ala nappappojinna lao riya, insya Allah riaherapi matu usita rupa indo'ku nasaba faccappurennitu nafangujuika indokku kasi. 

Aga natarima lempuni Nabi Ibrahim pappasenna ana'na kasi. Natemmakaro essena babuana nasibawai wai mata caddunu - dunu mitai ana'na, naekiya agana melo igaukengngi nasaba parentana toha puang Allahu Taala pasti riturusi, gangka nafangoloni Nabi Ibrahim ana'na ritanae nafatadattoni fisoe riellonna ana'na kasi nainappa massaile Nabi Ibrahim. Aga negere tongenni ana'na ritu nasibawai awatangeng nagettenni pisoe mallulisu riellonna ana'na, naekiya aga gau iyya nafueloe puang Allahu Ta'ala pasti kajajiangngi. Oli ... tea safe, dara tea Maccolo, juku tea sebbo, ure tea fettu, nyawa tea messu, massarang ritubunna Ismail. Naggangkaullengi Nabi Ibrahim gere tongengngi ana'na, natea laloha makkanre pisoe, nasaba makkeda memengngi tau rioloe, temmekkanre anu matarengnge, teppaunoi anu mamosoe, temmappamangui apie, narekko tennapueloi puang Allahu Ta'ala. Aga nakkutanana Ismail riambo'na makkedae,

E.... Ambokku magitu natea makkanre pisota, bara nafoleiki esse babua mitaka nade tullei

tenrei pisota nenniya makunrui kapang pisota ? aga nabbettangeng ni Nabi Ibrahim pisona lao

ribatue, gangkanna mapue dua batue nataro tareng. Nasikomua naggangka ulleingenna Nabi Ibrahim,

maggeresengngi pisona riellonna ana'na, natakko ningkalingana darah serre-serre maccolo riawana pisona, naompona ripahanna makkadae ufakajajianniro parentana puakku nasaba purana ugere ana'ku. Nagilinna massaile Nabi Ibrahim riana'na, nasaba pammasena puang Allahu ta'ala kibase loppomiha pole risuruga mate riolona. Sikira-kira mancaji pappasulle riana'na nasalama'na Ismail pole riakkanrena pisoe, nasaba makkeda memengngi toriolota : sabbarako musukkuru mupulung biritta madeceng namulolongengngi ati sabbarae, naiyya tau sabbarae lolongengngi deceng. Nariyakkedaini Nabi Ibrahim ri puang Allahu Ta'ala

قَدۡ صَدَّقۡتَ الرُّءۡيَا ​ ​ۚ اِنَّا كَذٰلِكَ نَجۡزِى الۡمُحۡسِنِيۡنَ‏

Bettuanna :

E.....Ibrahim mejeppu iko mufaddufani nippimmu, majeppu kiwale'ni sininna tau mappedecengnge.

Allahu Akbar  3X walillahilhamdu

Mamuare'i Hikmah pengorbananna Nabi Ibrahim mancaji contohi lao ri idi tomatuakki orowanewe. Akkalebbara'ni ri panguhutta Nabi Ibrahim de' nacarinnai warangmparanna untu' paslennerengngi parentana Puang Allahu Ta'ala. Bahkan namuni ana'na relato gerei napakkua pappojinna ri Puanna.

Mancaji toi kepala rumah tangga iyya pimpingngi benena nennia ana'na massompa ri Puang Sewwae, alena yolo jamai seddie gau-gau nainappa napparentang lao ribenena nennia riwijanna. İyyamanennaro parellu iyaccueri idi tomatoa - malebbikki orowanewe. Magani ampena beneta, magani pakeanna beneta de'toga naduangngi tau laingnge jama pakkitai aure'na beneta. Magani sempajanna wijatta, magani ampena wijatta de'toga ampenami kafere'e naafala, ampenami kafere'e nappunnai, pakeannami kafere'e

napoji,pakeannami kafere'e napake, nennia naita maja manengni pakeanna sellengnge. Pappebalinna engkai ri iđi tomatoa malebbiki oroanewe sebagai Kepala Rumah Tangga. Narekko de naripimpin beneta nennia wijatta secara islami maka nassabarini naputtamaki matti ri ranaka

paccallanna Puang Allah Ta'ala.

Makkutofaro idi selleng makkunraiyye tala laloi contoh sitti hajar, makkadae denahalangi lakkainna

paddupai parentana puang Allahu taala, na aja'to tahalangiwi buraneta pegau deceng. Yakepaha nesseriki simata pangessiwi makkotofiro narekko engkaki sebagai anana' engkalaloki paccinrolai pengorbananna Nabi Ismail, batena matturu ri tomatoanna rela maelo rigere ri ambo'na  nasaba parentana puanna.

Allahu Akbar  3X walillahilhamdu

Fada laoni mai natofada pacuku'i rufa malebbitta nenniya fada mengngerang madecengngi fangkauketta purae ripogau ripadatta rupatau, oncoppasiha riduae tubu malebbi yanaritu toduae pajajiatta, iyya engkae mopa sempa' sipakario rennu sibawa tomatoanna rilalenna iyye esso allepperengnge naekiya engka tonatu silessureng selletta denasempa' sibawa tomatoanna nasaba leleni ripammasena puang Allahu Ta'ala. Natapada mengerang moga, iyya nassabarie natopada engka makkokkoe mencaji tau maloppo, terkenal, kepangka, sogi, yamanenna mennangro denarilolongeng bennenge tania pappedecenna / pappiarana riasengnge tomatoa.

Tapada mengerang manettoi pappedecenna yasengnge tomatoa. mappammulai netampukki asera uleng, manrasa-rasa, nainappa rijajiassiki narigau engkana siladde' mewai peddie antara hidup dan mati, siwali ajena tadang rikebburu'e, ibu kita tetap selalu berusaha dalam perjuanganna dan penderitaannya demi untuk mitai anakna jaji iyya mancajie acculu-culeng teppajinna, nainappa napiaraki siaga etana

mappammula ribaiccutta lettu battoata simata maccapu campa' esso wenni, terriki nafammekkoki, madekkaki nafasusuki/napinukki, cakkarudduki nafatinroki / natojakki.

Naekiya magi fale saisanna idi rupatauwwe riwale’mi tofajajuatta nasaba rifaterri - terri marenni' na atinna ritu, nasaba pangkauketta nenniya warekkada makossara' oncoppasiha narekko naratteni atoangeng tomatoanna sukkuni rifodangngi natapada missemoga bahayana tau madorakae ritomatoanna? nigi-nigi tau madoraka ritomatoanna, iyya nakka iyya salah, iyya nampae iyya marunnrung, ia nakkallari iyyási mafolo.

Feddifaha nasedding siddie tomatoa jajiang ana' iyya de'e namaelo mappedeceng ri todua pajajianna na tennajampangina anrasa - rasanna indo `na piarai riwetu baeccina, jaji magafi natotea bola-bollangi uwae matatta mingngerrangngi pangkauketta ritofajajiatta, jaji narimakkuannanaro, narekko tofada lisuna matu natofadallao jokka tuppu- tuppu madecengngi addengeng malebbina tofajajiatta, nato matteru roķo rialena mampae madecengngi lima malebbina tafasibawai wae mata assessekaleng meingngerrangngi

fangkauketta, aja tamawewe aja tabboko sarekkuammengngi natosalama rilino nenniya riahera'.

Narimakkuannaro idi engkae mofa rattei riasengnge tomatoa appadecellaloki lao rialena, nasaba aja' kammanaha melomofi mitai tomatoatta nanasalaini kuritu, magana peddina atuwotuwongetta narekko tobiu-biu degaga indo' degaga ambo' fadaki laona ana' mabbura malie. narimakkuannaro engka ammana riseseta ana' biu-biu tafiaramani kasi,

Nasaba denatu gaga wedding panrei detonagaga kasi wedding passikolai, fegani melo monro indo' ambo mate, amure detona gaga peddifaha pale narekko tobiu-biu. Malasa tenri tungka, mate tenri walung ri walussi cappa' loka, rilemme' gangka uttu nakae lalosi bawi, riparitimpo-timpo nanre lalosi bbbbu, engkasi nasesa bebbu, sifale lima tomi bawang naluttureng lalosi anging.

Saisatopi hikma natampue pakkasiwiyang hajjie nenniya akkarobangnge yanaritu sarekkuammengngi naccayya pulana teppe'na kuetopa naenceng pulana tautana ripuang Allahu Taala. Nasaba sitongengtongenna teppe'e, nenniya taue copponai atuwotuwongeng madecengnge, sanreseng pulanai assibinru-binrusengnge, fattimpa malessinnai fakkalinonge, pabburanai ati matojoe, natekkulle maufe, atuwotuwonna nenniya salewangeng atinna seddie tau narekko denattuegengkeng teppe'na nenniya

tauna ripuang Allahu Taala.

ininna Umma' selleng malebbi pada engkae riyammasei ri puang Allahu ta'ala,

Gangkannato pappaseng pada lao ridi maneng makkedae, aja'lalo nasalaiki 5 (lima) sewwa-sewwa

tuo rilino:

1. Aja'lalo nasalaiki lampu teppede yanaritu teppe ripuang Allahu Taala. Iyya nassabarie malomo naripapole /naripegau parentana puang Allahu Taala.

2. Aja' lalo nasalaiki bujung temmetti yanaritu paddissengengnge, iyya nassabarie natotettong rilaleng patujue.

3. Aja'laloki nasalaiki pakeang temmalara yanaritu taue ripuang Allahu taala, iyya nassabari nato mabela pole ridosae.

4. Aja'lalo nasalaiki bokong temmawari yanaritu amala' madecengnge nassabari narilolongeng pammasena puang Allahu Ta'ala.

5. Aja'lalo nasalaiki tonangeng malessi yanaritu arengerangngeng ri Puang Allahu Taala. iyya Nassabari nade nato makkareso alu.

Allahu Akbar  3X walillahilhamdu

Nenniya makkotoparo paimeng Engka 4 (eppa) passaleng tapakessingi siona :

1. Sioi teppe'te nasaba sempajang,

2. Sioi waramparatta nasaba' teppe'

3. Sioi lilata nasaba ammekko.

4. Sioi aleta nasaba paddissengeng.

Jaji narimakkuannaro sompe'ni natofada sompe' salai wanua adorakangnge natollimbang rimajeng natofada mattonangeng rilofi asselengengnge, nariakkulubalang nasaba teppe tellengka, narifasangngi wise nenniya masina asabbarakeng, naripennoi lureng amala saleh, natosompe caddio-rio sau kininnawa molai tasi maloangnge namalamung, lulu' bombang maraja temmappettue mutonangi tessangkalangeng, sarekkuammengngi aja nakennaki bombang faccallakuritu.Temmaka-makae peddina, natofadassore ritana pammasewe natopada sitarupa arunna dewata sewwae yanaritu laleng malebbi'na Puang Allahu Ta'ala, puang iyya maraja pammase rilino nenniya maraja akkamase riahera matti isya Allah. Natomonro maradde sau kininnwa iyaritu risuruga assenna sennangengnge. Aamiin Yaa Rabbal "alamiin

بَارَكَ اللهُ لِي وَلَكُمْ فيِ القُرْآنِ العَظِيْمِ، وَنَفَعَنيِ وَإِيَّاكُمْ بِمَا فِيْهِ مِنَ اْلآياَتِ وَالذِّكْرِ الحَكِيْمِ وَتَقَبَّلْ مِنيِّ وَمِنْكُمْ تِلاَوَتَهُ َإِنَّهُ هُوَ السَّمِيْعُ العَلِيْمُ.
أَقُوْلُ قَوْليِ هذَا أَسْتَغْفِرُ اللهَ ليِ وَلَكُمْ وَلِسَائِرِ الْمُسْلِمِيْنَ وَالمُسْلِمَاتِ وَالمُؤْمِنِيْنَ وَالمُؤْمِنَاتِ فَاسْتَغْفِرُوْهُ إِنَّهُ هُوَ الغَفُوْرُ الرَّحِيْمُ.

Khutbah II 

اللهُ أَكْبَرُ، اللهُ أَكْبَرُ، اللهُ أَكْبَرُ اللهُ أَكْبَرُ، اللهُ أَكْبَرُ، اللهُ أَكْبَرُ، اللهُ أَكْبَرُ ولله الحمد. اَلْحَمْدُ لِلهِ الَّذِيْ أَمَرَنَا بِالْإِصْلَاحِ، وَحَثَّنَا عَلَى الصَّلَاحِ، وَبَيَّنَ لَنَا سُبُلَ الْفَلَاحِ. وَأَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُ اللهِ وَرَسُولُهُ. اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ، وَعَلَى أَلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ. أَمَّا بَعْدُ: فَأُوصِيكُمْ عِبَادَ اللَّهِ وَنَفْسِي بِتَقْوَى اللَّهِ. إنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَنَّى فِيْهِ بِمَلَائِكَتِهِ، فقَالَ تَعَالَى: إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا   اللَّهُمَّ صلِّ وسلِّمْ وبارِكْ علَى سَيِّدِنَا وَنَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ، وَارْضَ اللَّهُمَّ عَنِ الْخُلَفَاءِ الرَّاشِدِيْنَ أَبِي بَكْرٍ وَعُمَرَ وَعُثْمَانَ وَعَلِيٍّ، وعَنْ سَائِرِ الصَّحَابَةِ الْأَكْرَمِيْنَ، وَعَنِ التَّابِعِيْنَ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ اللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ الْاَحْيآءِ مِنْهُمْ وَاْلاَمْوَاتِ. اللَّهُمَّ أَصْلِحْ لَنَا دِيْنَنَا الَّذِيْ هُوَ عِصْمَةُ أَمْرِنَا، وَأَصْلِحْ لَنَا دُنْيَانَا الَّتِيْ فِيْهَا مَعَاشُنَا، وَأَصْلِحْ لَنَا أَخِرَتَنَا الَّتِيْ فِيْهَا مَعَادُنَا، وَاجْعَلِ الْحَيَاةَ زِيَادَةً لَنَا فِيْ كُلِّ خَيْرٍ. اَللَّهُمَّ لَا تَدَعْ لَنَا ذَنْبًا إِلَّا غَفَرْتَهُ، وَلَا دَيْنًا إِلَّا قَضَيْتَهُ، وَلَا مَرِيْضًا إِلَّا شَفَيْتَهُ وَعَافِيَتَهُ، وَلَا حَاجَةً مِنْ حَوَائِجِ الدُّنْيَا إِلَّا قَضَيْتَهَا وَيَسَّرْتَهَا لَنَا يَا أَكْرَمَ الْأَكْرَمِيْنَ، وَيَا أَرْحَمَ الرَّاحِمِيْنَ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ، وَسُوْءَ اْلفِتْنَةِ وَاْلمِحَنَ، مَا ظَهَرَ مِنْهَا وَمَا بَطَنَ، عَنْ بَلَدِنَا اِنْدُونِيْسِيَّا خآصَّةً وَسَائِرِبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. اللهم انصر إخواننا في فلسطين من ظلمات الكفار الاسرائيل. اللهم سلمهم والمسلمين، واشف لمرضاهم، واغفر لموتاهم من جميع المسلمين، يا أرحم الراحمين. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا أَنْفُسَنَا وَاِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ. عِبَادَ اللهِ، إِنَّ اللهَ يَأْمُرُ بِاْلعَدْلِ وَاْلاِحْسَانِ وَإِيْتآءِ ذِى اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْيِ يَعِظُكُمْ لَعَلَّكُمْ تَذَكَّرُوْنَ، وَاذْكُرُوا اللهَ اْلعَظِيْمَ يَذْكُرْكُمْ، وَاشْكُرُوْهُ عَلىَ نِعَمِهِ يَزِدْكُمْ، وَلَذِكْرُ اللهُ أَكْبَرُ


اللهُ أَكْبَرُ اللهُ أَكْبَرُ اللهُ أَكْبَرُ لَا إلٰهَ إِلَّا اللهُ وَاللهُ أَكْبَرُ، اللهُ أَكْبَرُ وَلِلّٰهِ الْحَمْدُ

Demikian Naskah Khutbah Id Adha yang dapat kami sampaikan, Semoga bermanfaat dan dukung kami terus agar selalu bisa berkarya.Wassalamu Alaikum Wr.Wb (DOWNLOAD PDF)