Kewajiban seseorang terhadap Al-Qur'an

Assalamu alaikum wr wb 

Sukkuru'ki mappoji tenrigangka lao risese arajanna puang Allahu ta'ala, Nasaba engka muanneng si pada nawerengta maneng adisi-disingeng, Kesempatan, teppe' iyya engkae mattugengkeng rilalenna atitta' maneng, saba' nassabari natopada engka hadere maddeppung-deppungeng untuk simata sappai, lolongeng riona puang Allahu ta'ala. 

Shalawa' nenniya pappassalama' masse' tenriyallupai toi ikiringengngi laori Nabitta Muhammad Saw, lao ri keluargana, sahaba'na nalettu lao ri idi maneng. Mamuareggi nasaba barakka assalawa'ta riyalena kuritu nassabari natoruntu' decengna linonenniya asalamakeng e ri ahera' matti. Bahkan lolongengki syafaat apangaro-ngaroanna nabitta Muhammad Saw. Insya Allah

Sininna tau malebbikkeng anrenge silessureng malebbikkeng iyya engkae pada riyammasei ri puang Allahu ta'ala 

Iyyaro uleng ramalang e malebbi i tennia nasaba appuassange, tenniato nasaba attarawengenge, tenniato nasaba passidekkae, tennia to nasaba zekke' e, tennia to nasaba Lailatul Qadar. Naikiya iyyaro ramalange maladde' napakalebbi puang Allahu ta'ala nasaba' okkoiro onronna napaturung puang Allahu ta'ala riayaseng e akorng malebbina (Ada-adanna Puang Allahu ta'ala) dari lauhul mahfudz ipaturung rilinoe melalui malaikat jibril punggawana malaikat e natiwirengi Nabitta Muhammad Saw sebagai ata suro mateppe'na puang Allahu Ta'ala nenniya tauripojinna puang Allahu ta'ala. 

Narimakkuannanaro agi-agi simata berhubungan sibawa aqorang e majeppu engkai tu malebbi naiyya ipakalebbi toi risesena arajanna puang Allahu ta'ala. Namaegana makkukkue maladde' deparhatikang i ritellae baca akorang. Padahal sininna agaga engkae mubba rilino engka manenni ri akorang e mancaji pappaseng madeceng. Narekko yaccueriwi insya Allah salama'ki sebali'na narekko denariyaccueri engkaki mancaji tau manrasa-rasa lino lettu akhera. Naufzubillahi min Zalik.

Rilalenna iyye wettu mabbarakka'e upuminasai rampengekki silappa iyaregga na dua lappa ada  iyye mancajie assiparingerrangeng ritujunna parellunna idi rupataue ri aqorang e (Kewajiban Seseorang terhadap Al-Qur'an). 

Naiyya kewajibatta ri akorange tabbage 5 iyyanaritu : 

1.Beradab kepada Al-Qur'an 

1. Bersuci (Taharah)

2. Menjaga Kebersihan

3. Membaca dengan Khusyuk dan Tertib: 

4. Menghormati Al-Qur'an: 

5. Menghindari Percakapan yang Tidak Perlu: 

6. Memahami Makna dan Tafsir: 

7. Memelihara Al-Qur'an dengan Baik: 

8. Membaca dengan Suara yang Lembut dan Merdu (Jika Mampu): 

9. Berdoa Setelah Membaca: 

2.Membaca dan mempelajari Al-Qur'an 

Engkaki idi rupa tau e simata bacai Iyyaregga magguruiwi iyyaro akorang e, sarekkoammengi nawerekki puang Allahu ta'ala pamale' malleppi - leppi iyya de'e nairulle bilang siaga egana. Narekko ribacai akorange engka makkada 10 deceng nawerekki puang Allahu ta'ala, engka to makkada 70 bahkan engka makkada 100 cedeng napallepi-leppi puang Allahu ta'ala risesena tau ikhlas e, tomappuasae, toppunnaiwi jenne nainappa nabaca nasaba attaratte'na apalaginna rilalenna sempajange. 

Bahkan iyyaro akorang e namuni pakkadang riyengkalingami bawang nasibawai ati matennang ripahang togi iyaregga nade aga pabbettuangenna majeppu engkato nawerekki puang Allahu ta'ala pamale'. 

Narimakkuannanaro Parellui laloi riyaggurui cara bacanna, attaratte'na, hukum-hukumna sarekkoammengi denatosala baca. Nasaba narekko sala bacaki, salah toi tu pabbettuangenna. Jaji parelluki matike' ritujunna baca aqorang ta. Degaga wettunna napatenntu puang Allahu ta'ala Lao ri idi rupa tau e untuk simata magguruiwi iyyaregga baca i aqorange. Aja tamanginggi manggurui baca akorange nasaba iyyena bacaan kaminang napoji puang Allahu ta'ala. 

2.Mentadabburi dan memahami Al-Qur'an

Purasi riyaggurui bacanna, engkasiki manggurui pahangngi aga akkatana iyyaro ise'na akorange ise'na ayat e. immaggi berita mappacaddiorioe iyyaregga kareba mappatagering-keringe.

Narekko kareba mappacaddio - rio parelluki sukkuruki nenniya jamai iyyaro jama-jamang nassuroange puang Allahu ta'ala. Naikiya narekko kareba mappatagerring-kering parellui ibelai iyaro gau - gaue nenniya riyellau allinrungengngi pole ri iyaro gau-gaue nenniya simata engkaki tobakengngi narekko takkala purani ipogau nasaba' akurangeng paddissengeng.

3.Mengamalkan isi Al-Qur'an 

Narekko irissenni bacai aqorange,ifahang Toni aga akkatana ayat - ayat na puang Allahu ta'ala, itambaisi kualitasna Aleta nasaba engkata makkamalakengngi aga akkatana ayat-ayatna puang Allahu ta'ala rilalenna atuo-tuongetta. Nasaba iyamitu nariyaseng tau mateppe narekko napigaui aga nassuroang puang Allahu ta'ala na iyyaro aqorange mancaji patunjuk Lao ri idi maneng tau mateppe'e, tau ke akkelenge.tau simata mappojie ri puang Allahu ta'ala. Aja na ipigau iyyaro gau-gau iyya sisalae sibawa aga nakkattaiye puang Allahu ta'ala.Nasaba agi-agi nassuroang puang Allahu ta'ala immaggi pakkasiwiang waji'e iyyaregga pakkasiwiyang sunna'e Engka manengtu akkegunana Lao ri idi maneng,de'mi nari Pahang sibawa madeceng. Gangkanna maderi ni igau bawang mani alewe.Makkotoro paimeng agi-agi nacciangengkki puang Allahu ta'ala untuk ipigau pasti Engka akkasolangenna maladde immaggi Lao ri idi Aleta nenniya Lao ripadatta rupa tau.

4.Mengajarkan dan mendakwahkan Al-Qur'an 

Purasi yakkamalakeng ise'na Aqorange, engkasiki pada mappallebbangengngi koritu ri padatta rupa tau, Termasu'ni okko keluargata riyewae sibola,Bali bolata neniya ri keluarga mabelata.naikiya riyasengngi mawatang ipangajari tau laingnge lebbi mawatappi tuh ipangajari tau lise bolata iyyaregga keluargata.Nari makkuannanaro, Asabbarakeng mitu mulle molai serekkoammengi salama' Ki sibawa keluargata pole ri akkanrena api nerakae. Iyyatonatu nassabari napagguruki agama ta untuk sappai tau riyewae siraga-raga iyyaregga berkeluarga nasaba Agamana, acantikna,abbatirenna,waramparanna. Narekko makanjani Agamana iyaregga Ampe kedona insya Allah malemmani tuh ipajokka sininna anu riyakkattaie nenniya aga nakkattai puang Allahu ta'ala.

Sininna tomatoa malebbikkeng nenniya silessireng malebbikkeng engkae riyammasei di puang Allahu ta'ala

Jaji sebagai kesimpulan makkada naiyyaro kewajibatta idi rupa taue Lao ri aqorang malebbina puang Allahu ta'ala tabbage 4 i iyanaaritu :

1.Membaca & mempelajari Al-Quran 

2.Mentadabburi & memahami Al-Quran 

3.Mengamalkan isi Al-Quran 

4.Mengajarkan & Mendakwahkan Al-Qur'an 

Sikomiro urapi palettukekki mamuareggi mabbarakka' i Lao ri idi maneng terutama Lao ri tau mabbicara e.Engka coco'na pole okkoi puang Allahu ta'ala.Engka salanna pole okkoi ri iyya. Taddampengekka sibawa madeceng nenniya marja nasaba ati mapaccing natopada salama' riwanua Lino nenniya ahera'. 

Wabillahi taufiq wassa'adah 

Wassalamu'alaikum warahmatullahi wabarakaatuhuu